Galicia é un lugar privilexiado para moitas cousas, e unha delas é a diversidade e a riqueza das súas augas minerais e termais, onde o uso deste recurso mineiro ten unha longa tradición. Na actualidade, Galicia é o primeiro destino termal de España, debido a diferentes factores como os programas de termalismo social do IMSERSO, a colaboración público-privada entre as empresas e a Xunta de Galicia e o desenvolvemento por parte do Ministerio de Industria Trátase dun ámbito ampliamente regulado, con formación suficiente en todas as áreas mineiras, dunha regulación sectorial que garanta o uso correcto do recurso.
Calidades das augas galegas
A auga mineral-medicinal galega destaca pola súa composición mineral orixinal e a súa orixe subterránea, proporcionando grandes beneficios para a saúde da poboación. Nos balnearios, a base dos tratamentos depende do uso das augas, formado por unha solución de elementos minerais que lles proporcionan unha serie de propiedades. Dependendo do tipo de minerais, cada auga exerce unha acción diferente sobre o organismo. As augas galegas son especialmente adecuadas para o tratamento de afeccións respiratorias, reumatolóxicas e dermatolóxicas crónicas.
A Cátedra de Hidroloxía Médica USC-Balnearios de Galicia publicou o ” I Valdemécum de las Aguas Mineromedicinales de Galicia”, que actualizou a súa tirada o pasado mes de decembro. Unha guía que contén moita información sobre a composición e o tipo de propiedades terapéuticas das augas minerais dos balnearios galegos, puidéndose descargar a través da seguinte ligazón www.balneariosdegalicia.gal.
Balnearios e desenvolvemento sostible
Os balnearios, como empresas explotadoras do recurso, favorecen o desenvolvemento das rexións do interior de Galicia, na súa maioría, zonas rurais con tendencias similares: despoboamento, baixos ingresos per cápita e presenza dunha estrutura produtiva con predominio do sector primario.
Os balnearios galegos representan un modelo de negocio sostible, xa que traballan para garantir o futuro do recurso, mellorar a calidade de vida dos seus usuarios e axudar a establecer poboación grazas ao emprego que xeran. Dinamizan social e economicamente os territorios nos que se asentan.
Asociación de Balnearios de Galicia
Fundouse en 1985 co obxectivo de representar e promover o sector termal galego. Na actualidade forman parte do sector 21 balnearios, dos cales 19 pertencen á asociación:
- Provincia de A Coruña: Carballo e Compostela (Brión).
- Provincia de Lugo: Oca Augas Santas e Termas romanas.
- Provincia de Ourense: Arnoia Caldaria, Baños de Molgas, Laias Caldaria, Lobios Caldaria, O Carballiño e Caldas de Partovia e Balneario de Sousas.
- Provincia de Pontevedra: Acuña, Dávila, Termas de Cuntis, Baños da Brea, Caldelas de Tui, Eurostars Isla de La Toja, Eurostars Gran Hotel La Toja e Mondariz.
O conxunto destes balnearios, representa arredor dun 20% dos establecementos nacionais e suman arredor de 1.200 traballadores. Ofrecen preto de 3.000 prazas hoteleiras e cada ano reciben uns 150.000 usuarios, na súa maioría de Asturias, Castela-León, Madrid, Cataluña e por suposto de Galicia. Estas empresas están máis dun 80% en mans do capital galego.
Os 10 subdominios hidrotermais
A xeoloxía do territorio galego está intimamente relacionada coa situación e as características das súas augas termais e minerais. En Galicia defínense 10 subdominios hidrotermais, sendo moi diferentes entre si. Estes subdominios proceden dunha análise en profundidade de xeoloxía, hidroxeoloxía e hidroquímica realizada polo IGME (Instituto Geológico y Minero de España). Mencionamos cales son os subdominios ademais do territorio que inclúen:
- Subdominio Granítico Noroeste: Correspóndese co Complexo granítico de A Coruña.
- Subdominio Granítico Lugo-Sarria.
- Subdominio Granítico A Toxa-Caldas de Reis.
- Subdominio Granítico Sur: Abarca a zona delimitada por Mondariz, Carballiño, Monforte e Verín.
- Subdominio Granítico Sudeste: Está ocupado pola zona de Viana do Bolo e arredores.
- Subdominio Granítico Nordeste: Abarca a zona norte de Lugo, delimitada por Burela, Mondoñedo e Viveiro.
- Subdominio Granítico Central: Predomina en toda a parte oeste de Lugo e mínimamente a parte este de A Coruña. De norte a sur en ambos casos.
- Subdominio Granítico Occidental: Constitúe a franxa costeira occidental de Galicia.
- Subdominio Metamórfico Oriental: Ocupa a maior parte de Lugo, a excepción do territorio pertencente ó Subdominio Granítico Nordeste, Subdominio Granítico Lugo-Sarria, Subdominio Granítico Central, Subdominio Granítico Sur e Subdominio Granítico Sudeste.
- Subdominio Metamórfico Occidental: Inclúe Ordes e a zona norte da Unidade de Malpica-Tui, así como a Zona Centro-Ibérica.
En definitiva, as augas galegas proporcionan múltiples coidados, xa que teñen unha gran diversidade de propiedades terapéuticas. Coidando cada detalle, para que a auga non sufra ningún tipo de modificación ou contaminación. Mantendo o seu nivel de pureza e calidades orixinais e, así garantir que sigan sendo un referente dentro das fontes termais españolas.
