Algunhas das botellas de auga mineral de Galicia son exemplos perfectos de packaging sofisticados e atractivos, coa combinación de deseño de arte industrial. A parte dianteira das botellas adoita ter motivos atractivos para destacar nas liñas da canle Horeca e para impresionar nas mesas do restaurante. Non obstante, o verdadeiro valor dunha auga mineral está nesa letra pequena que hai detrás.
A auga mineral natural é un produto alimentario, polo tanto, ten que cumprir unhas normas estritas que aseguran que chegará ás nosas mans en perfectas condicións. A etiquetaxe xoga un papel moi importante, xa que nos proporciona toda a información exisida pola lexislación. Grazas á etiqueta, podemos coñecer o tipo de auga que estamos bebendo, información relacionada con características e propiedades naturais e saudables que proporciona a auga mineral natural.
Sabías que a etiquetaxe de auga ten unha función importante?
Cando vas mercar unha chaqueta, miras a etiqueta para ver se é da túa talla, comprobas a lonxitude e o ancho, os materiais dos que está feita e o lugar de orixe. Non vaia ser que compres algo que non che vale, dun tecido que non vaia contigo ou que veña de algún sitio non moi do teu gusto. Cando compras auga mineral, podes facer exactamente o mesmo. A etiqueta de auga mineral natural infórmanos da súa orixe e características; e dado que cada chaqueta é diferente, cada auga mineral ten unha composición única que a caracteriza e permanece constante. De aí que a etiqueta sexa tan importante para axudarnos a escoller a auga que mellor se adapte ás nosas preferencias.
Instituto de Investigación Auga e Saúde
Para axudarnos a saber que imos beber, o Instituto de Investigación en Auga e Saúde (IIAS), definido como unha entidade de carácter científico e divulgativo, que ten como finalidade desenvolver actividades dirixidas á investigación e divulgación das características e beneficios das augas minerais na saúde e no benestar das persoas; indícanos en que debemos fixarnos para coñecer mellor a etiqueta de auga embotellada:
- Denominación de venda: a denominación de venda é o nome co que se comercializa cada tipo de auga embotellada e está regulada por unha regra específica. Esta denominación de venda pode ser auga preparada, auga de manantial ou auga mineral natural.
- Procedencia: o nome do manancial ou lugar de procedencia, indica o municipio e provincia onde se atopa o acuífero subterráneo. É unha mención obrigatoria na etiqueta, para que o consumidor saiba cal é o lugar de orixe da auga.
- Composición: As augas minerais naturais teñen unha composición mineral específica que se mantén constante co paso do tempo. Dependendo da cantidade de minerais disolvidos na auga, pode ser de mineralización forte, media, débil ou moi débil.
- Caducidade: a auga mineral natural non ten data de caducidade, ten unha data de consumo preferente que se recomenda beber antes, para asegurar que a auga manteña todas as calidades organolépticas.
- Punto verde: símbolo que asegura que pertence ao sistema integrado de xestión de envases ecolóxicos. Así sabemos con certeza que a empresa envasadora financia e participa na xestión ambiental dos envases.
- Conservación: para manter as súas calidades organolépticas, aconséllase mantelas nun lugar limpo, fresco e seco. Afastado dos cheiros agresivos e protexido da luz solar.
Todo isto non serve para nada se che dan unha auga xa aberta. Neste caso, non se pode garantir que a auga teña a pureza orixinal indicada na etiqueta. Sería como venderche unha chaqueta usada ao prezo dunha nova. Por iso, pide nos restaurantes que abran a botella diante de ti, só entón, saberemos con certeza que mantén a súa pureza orixinal, logrando un resultado de auga sa, pura e fiable.
