Día Europeo dos Minerais Galicia 2019

20, 21 e 22 de setembro de 2019

Vén e cóntao

Coñece a minería de Galicia participando nas iniciativas de portas abertas e de visitas ás instalacións nunha iniciativa europea para o coñecemento e divulgación

O obxectivo do Día Europeo dos Minerais é mellorar a comprensión pública sobre o papel esencial dos minerais nas nosas vidas, así como promover o diálogo e xerar confianza.

Os produtores de materias primas minerais mostran como o sector contribúe a unha sociedade sostible ao poñer en valor o seu papel na eficiencia dos recursos, a innovación, a biodiversidade e o desenvolvemento social.

As empresas dan a benvida ás comunidades locais a coñecer de primeira man o mundo dos minerais a través de xornadas de portas abertas e proxectos escolares

Cada dous anos, o Día Europeo dos Minerais brinda unha oportunidade para a poboación da UE para explorar o mundo dos minerais nunha iniciativa para concienciar o sector mineiro e a industria relacionada

Eventos Día dos Minerais Galicia 2019

Xornada ‘A minaría, motor do desenvolvemento social’

Cidade da Cultura, Santiago de Compostela
25 de setembro de 2019

Encontro de divulgación do sector mineiro organizado por Minaría Sostible de Galicia e a Confederación Nacional de Empresarios de la Minería y la Metalurgia (Confedem). Un foro de reflexión sobre os retos do sector mineiro.

Inscríbete

Visita ás instalacións de Caolines de Vimianzo

Lg. Cerban Castrelo 19. Vimianzo, A Coruña
21 de setembro de 2019

Caolines de Vimianzo – CAVISA abre as súas portas tanto a familiares de empregados como a antigos traballadores, para que poidan coñecer a realidade da empresa e a súa implicación coa economía circular e colaborativa.

Contacto

Visita á canteira de Blokdegal e a Minergal

Canteira Blokdegal e Minergal. Porriño, Pontevedra.
20 de setembro de 2019

Un grupo de escolares poderá descubrir a realidade da industria do granito en Porriño a través dunha visita guiada á canteira de Blokdegal, unha das máis grandes de Rosa Porriño. Así mesmo, poderá coñecer o museo de Minergal para descubrir o patrimonio xeolóxico e mineiro galego.

VI Xornada de Responsabilidade Empresarial na Seguridade e Saúde Laboral no Sector dos Áridos

Pazo de San Roque, Santiago de Compostela
19 de setembro de 2019

A figura do director facultativo será o eixo condutor desta xornada desenvolvida por Arigal, na que se tratarán puntos como o seu papel e responsabilidades dentro das canteiras de áridos.

Inscríbete

Xornada de portas abertas en Verea

Lanza, S/N, 15685. Mesía, A Coruña.
14 de setembro de 2019

Verea invita á súa fábrica a todos aqueles que queran coñecer de preto como se fabricaban as tellas de forma tradicional e cal é o proceso de fabricación hoxe en día, cun método totalmente automatizado que ademais reduce as emisións de C02.

Contacto